Si Të Përzgjedhësh Regjistrarin e Duhur

Si Të Përzgjedhësh Regjistrarin e Duhur

Doni të regjistroni një domain? Epo, atëherë do t’ju duhet të përzgjidhni një regjistrar. Por… Çfarë është regjistrari? Si duhet zgjedhur ai i duhuri?

“Regjistrar” është kompania që mundëson regjistrimin e domain-it nga përdoruesi-final. Ekzistojnë me mijëra regjistrarë të cilët ofrojnë shërbime të shumë-llojshme, kështu që përzgjedhja e rregjistrarit të duhur mund të duket e vështirë. Në fakt nuk është aspak e lehtë sidomos kur nuk keni informacion se si të vlerësoni regjistrarin e duhur. Ne jua thjeshtëzojmë punën. Vazhdoni leximin për të mësuar se çfarë karakteristikash duhet të kontrolloni kur të zgjidhni regjistrar-in tuaj.

 

6 Karakteristikat kryesore të një regjistrar-i të mirë

Është e rëndësishme të zgjidhni regjistrar të besueshëm. Domain-et tuaja janë investimi juaj dhe si të tillë nuk mund tia besoni çdokujt. Në vazhdim, ju paraqesim 6 elementët kyç, që regjistrar-i juaj duhet të ketë. Mos neglizhoni asnjë prej tyre, kur t’ju duhet të vendosni.

1. Kontroll i plotë

Kontroll i plotë vs kontroll i pjesshëm? Jeni të paqartë? Vazhdoni leximin e artikullit!

Të kesh kontroll të plotë mbi domain-in tënd është thelbësore. Kontrolli i pjesshëm mund t’ju pengojë në përditësimin e të dhënave të domain-it. Kjo nuk do t’ju pëlqente aspak në të ardhmen.

Interesohuni për llojin e kontrollit mbi domain-in përpara regjistrimit dhe zgjidhni regjistrarë që ju ofrojnë kontroll të plotë.

 

2. Transferimi i domain-it

Çfarë është transferimi i domain-it? Çfarë duhet të dini rreth tij?

Transferimi i domain-it është proçesi i zhvendosjes së domain-it tuaj nga një regjistrar tek një tjetër.

Sigurisht, nuk do të doni të transferoni domain-in dhe ndryshoni regjistrar menjëherë, por mund ta ndjeni të nevojshme në të ardhmen.

Ju duhet të informoheni paraprakisht, mbi procedurën dhe kohën e nevojshme. Në përgjithësi procedurat e transferimit janë të njëjta, por disa prapashtesa domain-esh kanë disa dallime të lehta. Mbani parasysh se në të shumtën e rasteve, transferimi i domain-it nuk mund të kryhet pa kaluar 60 ditë nga regjistrimi.

Kujtohuni të kontrolloni seksionin e detajeve të transferimit, të regjistrarit që po konsideroni të kontraktoni.

 

3. Shërbimi ndaj klientit

Si të vlerësoni shërbimin ndaj klientit? Çfarë është e rëndësishme?

Është e rëndësishme që domain-i juaj të jetë vazhdimisht në gjendje funksionale, sidomos kur keni një biznes funksional të lidhur me atë domain. Prandaj, është thelbësore gatishmëria e stafit të regjistrarit në rast se hasen probleme me domain.

Sigurohuni për efikasitetin e shërbimit ndaj klientit përpara se të ndodheni në vështirësi.

Gjithashtu, regjistrari duhet t’ju dërgojë njoftime mbi datën e rinovimit të domain-it. Ju nuk do të dëshironit të humbisni domain tuaj perfekt, vetëm sepse harruat datën e rinovimit.

Madje, disa regjistrarë ofrojnë edhe shërbime specifike të ruajtjes së domain-it, për një kohë të caktuar, pasi ka kaluar data e rinovimit.

Zgjidhni një partner që garanton gatishmëri në shërbim dhe ju informon mbi domain-in tuaj.

 

4. Kontrata dhe çmimi

Sa shumë opsione… E keni të vështirë të zgjidhni?  

Tregu ofron shumëllojshmëri tarifash regjistrimi dhe rinovimi vjetor të domain-it. Madje, ekziston edhe mundësia e regjistrimit apo rinovimit për kohë më të gjatë se 1 vit.

Ndoshta mund t’ju duhet të konsideroni edhe opsione shtesë në domain, si: privatësia, sigurimi kundrejt vjedhjes, etj. Sidomos, privatësia e domain-it, është opsion shumë i dobishëm në funksion të mbrojtjes së kontakteve personale.

Përzgjidhni regjistrar-in që i përshtatet me mirë kërkesave dhe nevojave tuaja. Mos hezitoni të shtroni të gjitha pyetjet që mund të keni, për t’u qartësuar.

 

5. Shërbime shtesë

Kërkoni që web-faqja juaj të jetë gati në kohë sa më të shkurtër? Mundësisht me të gjitha të merret regjistrari?

Nëse synoni të bëni regjistrim dhe hostim domain-in, ndërtoni faqen web dhe blini çertifikata apo produkte shtesë, janë të shumtë regjistrar-ët që ofrojnë paketa të plota shërbimesh.

Veçanërisht, nëse nuk jeni shumë i dhënë pas teknologjisë, kjo mund të rezultojë rruga më e lehtë, për të patur sa më shpejt një faqe web funksionale. Merrni informacionin e nevojshëm mbi opsionet që ofrohen dhe përzgjidhni atë që ju përshtatet më shumë.

 

6. Zgjatime (extensions) shtesë

A duhet të shqetësoheni për llojin e prapashtesës së domain-it tuaj? A ka realisht rëndësi?

Shumë biznese zgjedhin domain .com, por ka me mijëra prapashtesa të reja domain-esh në qarkullim. Regjistrar-ët, jo domosdoshmërisht ofrojnë shumëllojshmëri në prapashtesat e domain-eve që mund të rregjistroni.

Nëse ky element është me rëndësi për ju, sigurohuni që regjistrari që keni vendosur të zgjidhni, të ofrojë rregjistrimin e sa më shumë prapashteve.

 

Përzgjedhja e regjistrarit të duhur, në përputhje me kërkesat dhe nevojat tuaja, është një proces që duhet marrë seriozisht. Mundohuni të mos neglizhoni 6 elementë kyç të sipër-përmendur. Merrni vendimin tuaj pasi të keni grumbulluar informacionin e duhur mbi regjistrarin dhe sidomos cilësinë e ofruar të shërbimit ndaj klientit.

Për informacion të mëtejshëm, na kontaktoni. Jemi në shërbimin tuaj!

5/5 (1 Review)
Social media & sharing icons powered by UltimatelySocial