Si Të Përzgjedhësh Regjistrarin e Duhur
Doni të regjistroni një domain? Epo, atëherë do t’ju duhet të përzgjidhni një regjistrar. Por… Çfarë është regjistrari? Si duhet zgjedhur ai i duhuri?
“Regjistrar” është kompania që ju mundëson regjistrimin e domain-it. Ekzistojnë me mijëra regjistrarë, kështu që përzgjedhja e regjistrarit të duhur mund të duket e vështirë. Në fakt nuk është aspak e lehtë, sidomos kur nuk keni informacion si të vlerësoni regjistrarin e duhur. Ne jua thjeshtëzojmë punën. Vazhdoni leximin për të mësuar karakteristikat që duhet të kontrolloni kur të zgjidhni regjistrar-in tuaj.
6 Karakteristikat Kryesore Të Një Regjistrar-i Të Mirë
Është e rëndësishme të zgjidhni regjistrar të besueshëm. Domain-et tuaja janë investimi juaj dhe si të tillë nuk mund tia besoni çdokujt. Në vazhdim, ju paraqesim 6 elementët kyç, që regjistrar-i juaj duhet të ketë. Mos neglizhoni asnjë prej tyre, kur t’ju duhet të vendosni.
1. Kontroll i plotë
Të kesh kontroll të plotë mbi domain-in tënd është thelbësore. Kontrolli i pjesshëm mund t’ju pengojë në përditësimin e të dhënave të domain-it. Kjo nuk do t’ju pëlqente aspak në të ardhmen.
Interesohuni për llojin e kontrollit mbi domain-in përpara regjistrimit. Zgjidhni regjistrarë që ju ofrojnë kontroll të plotë.
2. Transferimi i domain-it
Transferimi i domain-it është proçesi i zhvendosjes së domain-it tuaj nga një regjistrar tek një tjetër.
Sigurisht, nuk do të doni të transferoni domain-in dhe ndryshoni regjistrar menjëherë, por mund ta ndjeni të nevojshme në të ardhmen.
Ju duhet të informoheni paraprakisht, mbi procedurën dhe kohën e nevojshme. Në përgjithësi procedurat e transferimit janë të njëjta, por disa prapashtesa domain-esh kanë disa dallime të lehta. Mbani parasysh se në të shumtën e rasteve, transferimi i domain-it nuk mund të kryhet pa kaluar 60 ditë nga regjistrimi.
Kontrolloni seksionin mbi detajet e transferimit për regjistrarin që po konsideroni të kontraktoni.
3. Shërbimi ndaj klientit
Është e rëndësishme që domain-i juaj të jetë vazhdimisht në gjendje funksionale, sidomos kur keni një biznes funksional të lidhur me atë domain. Për këtë arsye, është thelbësore gatishmëria e stafit të regjistrarit në rast problemesh me domain-in.
Sigurohuni për efikasitetin e shërbimit ndaj klientit përpara se të ndodheni në vështirësi.
Gjithashtu, regjistrari duhet t’ju dërgojë njoftime mbi datën e rinovimit të domain-it. Nuk do të dëshironit të humbisni domain tuaj perfekt vetëm sepse harruat datën e rinovimit.
Disa regjistrarë ofrojnë edhe shërbime specifike të ruajtjes së domain-it pasi ka kaluar data e rinovimit.
Zgjidhni një partner që garanton gatishmëri në shërbim dhe ju informon mbi domain-in tuaj.
4. Kontrata dhe çmimi
Tregu ofron shumëllojshmëri tarifash regjistrimi dhe rinovimi vjetor të domain-it. Madje, ekziston edhe mundësia e regjistrimit apo rinovimit për kohë më të gjatë se 1 vit.
Ndoshta mund t’ju duhet të konsideroni edhe opsione shtesë në domain, si: privatësia, sigurimi kundrejt vjedhjes, etj. Sidomos, privatësia e domain-it, është opsion shumë i dobishëm në funksion të mbrojtjes së kontakteve personale.
Përzgjidhni regjistrar-in që i përshtatet me mirë kërkesave dhe nevojave tuaja. Mos hezitoni të shtroni të gjitha pyetjet që mund të keni, për t’u qartësuar.
5. Shërbime shtesë
Janë të shumtë regjistrar-ët që ofrojnë paketa të plota shërbimesh. Këto paketa përfshijnë: regjistrim dhe hostim domain-in, ndërtim website-i dhe çertifikata SSL apo produkte shtesë.
Kjo është rruga më e lehtë për të patur sa më shpejt një faqe web funksionale. Merrni informacionin e nevojshëm mbi opsionet që ofrohen dhe përzgjidhni atë që ju përshtatet më shumë.
6. Prapashtesat e Domain-eve
Shumë biznese zgjedhin domain .com. Megjithatë ka me qindra prapashtesa të reja domain-esh në qarkullim. Regjistrar-ët, jo domosdoshmërisht ofrojnë shumëllojshmëri në prapashtesat e domain-eve që mund të rregjistroni.
Nëse ky element është me rëndësi për ju, sigurohuni që regjistrari të ofrojë rregjistrimin e sa më shumë prapashteve.
Përzgjedhja e regjistrarit të duhur është një proces që duhet marrë seriozisht. Mos neglizhoni 6 elementët kyç që listuam më sipër.
Për informacion të mëtejshëm, na kontaktoni. Jemi në shërbimin tuaj!
Scroll